Lanjal Kamu!

Bismillahir Rahmanir Rahim

Assalamu alaikum warahmatullahi wabarakatuh.

Sanglit iban Pujji pa Mahasutci Allah, amun Tagmilik sin katan kakaingat, Tagdapu' sin katilingkal alam, lamud na in dunya internet. Salawat iban salam pa Junjungan Rasulullah Sallallahu Alaihi Wasallam, nagsabab daing kaniya in katan manusiya' kiyadihilan sahaya sasawa-sawa (al-Qur'an) mari pa babaw gumi. Lamud na in manga Ahlul bait niya, amun wayi paghundung magbuhi sin sunnah sin Rasulullah sampay pa masa ini, pa manga Sahabat niya, pa manga ummat niya ha katilingkal alam amun masi masi in pamawgbug ha panghindu sin Islam sampay pa adlaw kiyama.

Manga taymanghud muslimin, mabaya' aku magpahati kaniyu ha maksud sin aku naghinang sin blog ini. Isut paman isab kahatihan sin kamu bang mayta' in taymanghud niyu ini himinang sin hinang sahunit-hunit biya' na sin magsalinbahasa pa sinug ha manga kakitab-kitaban sin manga ulama' muktabar ha dunya, daing ha tumpukan sin Al-asha'irah iban Maturidiyyah. Adapun manga taymanghud in puunan bahasa hi salin sin taymanghud niyu ini daing ha Bahasa Melayu pa Sinug.

Lugay hapagsasaban magsud pa manga blogs di ha laum internet, mataud manga panghati sin Ahlu Sunnah daing ha tiranan sin Mazhab Shafi'e in di' kahatihan sin Tausug ha kaluagan awla labi na in manga sila amun wayi nakapangadji' ha madrasah, biya' na kaku'. Daing ha sabab yadtu in kaawam sin kamatauran magduruhun. Duun hadja magpakasayu bang maawn in paglugat atawa mahilu na humati sin indajinis magjatu ha laum sin Agama Islam. Puas daing hayan, bilang da isab in hinang ini hikaganap pa manga kakitab-kitaban kiyasulat sin manga ulama' natu' amun yan nakakanat ha guwa'.

In sabarang kalaungan ha pagsalinbahasa, pagtanggungjawaban sin taymanghud niyu ini. Bang awn kamuskilan ha bahasa, atawa di' magatap iban sin puunan bissara, mangayu' aku sahawi daing kaniyu sin hikapaamu kaniya. In paguwaun namu' di pamaham daing ha tiranan sin Ulama Asha'irah iban Maturidiyyah.

Magsukul