Puasa ha Bulan Ramadhan ( Fiqh Ash-shaafi-ey ) Page : 2

4 Suroot sin hika-sahee sin pagpuasa daing ha mga kakahinang

: 1.) الامساك عن الجماع : Pagtangka daing ha Jimaa` sin duwa magtiyaon ha pangadlawan sin ramadhan iban halal ha dooman niya , Farman sin Allahotaala [ suwra baqarah 187 ] : {{ احل لكم ليلة الصيام الرفث الى نساءكم }} In Rafas : Jimaa` . Hati niya : Hiyalal kuna kaniyo in paruman sin Ramadhan daing ha jimimaa` kamo ha mga ka-asawahan niyo .

2.) الامساك عن الاستقاءة : Pagtangka daing ha Uhaw ( Minom ) : Ha Hadith sin Rasul ( SAW ) : (( من ذرعه القىء ... اي غلب عليه- و هو صائم فليس عليه قضاء و من استقاء فليقضي )) . Hati niya : bang awn nakasuka misan timaod , in ka-awnan niya puasa wayroon da siya tiyutat in subay muasa magbing hati niya magbayad sin puasa , buat malaingkan hi siyo in minom amon yadto in magbayad sin puasa niya . Laong sin mga Ulamaa` Shafi-ey : in yaon bang in ka-awnan nila bat tagapanghati haram in huminang sila ha pagtuuran amin pini` nila in magsuka iban minom . bang in ka-awnan nila wayroon panghati ( jaahel ) ha pamando sin Islam atawa malayo daing ha mga Ulamaa` atawa piyanglupahan atawa kangian sila ( makrooh ) in tanto subay sila di` mamukae . In sahee bang nila na tanto sin in tanto tuod wayroon dimatong uno uno na pa gong-gongan nila daing ha minom , biya` da isab sin simuka sila bang sila nakaton daing ha mga suka nila atawa biyalik in suka , daindoon na ba`tal in puasa nila , ha sabab sin nakainom sila ha ma`na ra isab sin hadith amin nasabbot nato yaon .

3.) الامساك عن وصول العين : Pagtangka nila biya` na sin mga pagkaon iban sin kaibanan pa amin dumatong pa gong-gongan . sabab in pagpuasa amuna in pagtangka daing ha uno uno na in dumatong pa gong-gongan , iban nakaguwa da isab daindoon in amin gumuwa in uno uno na in daing ha mga hangan atawa panghamot .

4.) الامساك عن الاستمناء : Pagtangka daing ha pagLada ( Masturbation from Male / Female ) , amon magpaguwa pangguwa bukon labay daing ha Jimaa` , sibo da in labay daing ha halaal iban haraam .

4 Suroot sin hikasahee ha Pagpuasa daing ha mga huminang kaniya :

1.) Al-islaam , hati niya wayroon naraak in mga kaafer iban mushrikeen .

2.) Taga Akkal , iban wayroon na wajib daing ha mga dupang iban bata bata .

3.) Malano` siya daing ha mga babae biyubulan iban sin ba`go nanganak taga nifaas pa ,

4.) Abutan niya in wakto Puasa , Jiyare in mamuasa kaw ha kalongbusan tahon mapuas daing ha adlaw Haylaya Puasa iban Fitre , Wa billahi tawfeek wal hidaayah , Assalamu alaykom wa rahmatollah , Wa Allahotaala a`lam bessawab.

In Puunan sin artikel ini nakawa' ha TN Adzharean Group.

Bin Waleed

Pangasubu pasal Puasa

Zian Tan said:
Assalamualaykum. Mabaya ku ingatun in kahalan pag puasa. Yari aku ha Saudi, bang sawpama in flyt ku pa Phils. bulan ramadhan, pag ubus in ig ku ri 10pm sin dum. So in expected arrival ku pa Phils. inshaÁllah mga 12:30 sin ugtu sugah. Na byariin in pag itung ku sin pag puasa ku? Should i follow teh Saudi tym or i will base the Phils tym? Andu landu in kasusahan ku ini. Shukran ha Jawab nyu mga langgung ku. Bama yan kita nyu katan salamat da. Advance Ramadhan Kareem to all!

Jawab:
In Flight mo ha Bulan Ramadhan ok na kiyahatihan tana,
In ig mo dom sin lisag 10pm ok na,in datong mo ugtosuga 12:30 sin ha philippines hati niya pilajam kaw ha taas plane???hati niya 9jam labi labi kaw ha taas plane ha??
In Farman sin Allahotaala ha sura Baqara ayat 187, << و كلوا واشربواحتى يتبين لكم الخيط الابيضمن من خيط الاسود من الفجرثم اتم الصيام الى اليل...>>ا

Biyaytaan kita niyo sin Allahotaala,sin papakaunon kita niyo sin uno uno na pagkaon halal ha di`pa dumatong in wakto pagtangka atawa adlawan sin pagpuasa,in wakto sin pagpuasa atawa pagtangka ha adlawan niya amuna in tumagnah ha maynaat sin fajer sambil pa dumatong in magrib,

ha kahalan mo ini taymanghod matampal da isab in datong mo iban pilajam kaw ha taas plane iban in pilipinas advance siya ha saudi kulang labi 5hrs so misan kaw magsahor ha taas plane di` da kaw abutan fajer ayaw hadja kaw magpaliyo ha mga 11pm saudi time bat adakala adlawan na kaw ha taas plane,ok ra misan yan ha unahan mo in fajer sin pilipinas,basta mga lisag 11-pm time saudi in usalon mo ha magsahor kaw ha taas plane di pa kaw abutan fajer ha ran Inshallah,sa` in labi afdal bang mo kagausan magsahor nakaw before kaw sumakat plane atawa pag-ig sin plane magtoy magsahor kaw,sabab 9hrs da kaw ha taas ugto suga na ha pilipinas iban adlaw na ha daan mo ha taas plane,bang malasig da in parasahan mo iban ballog ballogan da kaw na malingkat in magpuasa kaw sabab mustahab siya ha mga kaibanan Ulama` in magpuasa musafer,bang kaw isab mabaya muka na kaw,sabab in kaibanan Ulama sibo da in hukoman nila in magpuasa kaw iban di` hukoman Rokhsa kanila,ubos ampa kaw muka daindidto ha philippines pagdatong sin bubuka na lawng ta mga magrib,,bang sawpama in pion mo bat di` kaw magpuasa na gantian mo in wala mo na puasa ha wakto kaw musafer,Qada na in guwaan niya..

Wallaho taala A`lam..

in puunan sin Artikel ini daing ha Tausugnet.com, Adzharean group.